Aðalfundur Samtaka dragnótamanna 24/11/07 haldinn að Hótel Park-inn Reykjavík.

Formaður Einar Sigurðsson setti fund og stakk upp á Rafni Haraldssyni sem fundarstjóra og Ólafi Eggertssyni sem ritara. Fundarstjóri byrjaði á að láta fundarmenn standa upp og kynna sig. Samkvæmt mætingarskrá eru 46 mættir og telst því fundurinn löglegur.

1.    Skýrsla formanns

Einar Sigurðsson flutti skýrslu um starfsemi félagsins síðasta starfsár. Fór síðan yfir ástand mála í stofnum og veiði og upplýsti í lokin hvað Genever potturinn kostaði 1979 í samanburði við árið í ár við mikinn fögnuð fundarmanna.

2.    Reikningar félagsins.

 

Friðrik G. Halldórsson starfsmaður las reikninga félagsins og voru þeir samþykktir samhljóða.

3.    Erindi á fundinn

 Lárus Þór Pálmason kennari við Fjölbrautaskóla Suðurnesja flutti erindi um        fjölþjóðlega ráðstefnu næstkomandi vor. 
Einar Hjörleifsson fiskifræðingur Hafró flutti erindi um göngur þorsks frá Grænlandi. Jónbjörn Pálsson fiskifræðingur Hafró flutti erindi um samanburðarrannsóknir á       skarkola. Einnig flutti hann erindi um sýkingu í skarkola sem hefur farið úr 80 % í 1,5 %.

4.  Ákvörðun félagsgjalda.

Tillaga um óbreytt félagsgjöld. Samþykkt

5.  Kosning stjórnar

Einar Sigurðsson, Ólaf Eggertsson, Baldur Kristinsson, Jónas Jóhannsson og Óskar H. Gíslason. Samþykkt.
Varamenn: Guðbjartur Einarsson, Karl Ólafsson, Hermann Daðason, Sigurður Jónsson og Jón Árnason. Samþykkt.

6.    Kosning endurskoðenda.

Rafn Haraldsson og Stefán Einarsson. Samþykkt.

7.    Önnur mál

Almennar umræður góðar. Ákveðið að fjölþjóðleg ráðstefna verði að veruleika. Halda áfram að hvetja og styðja Hafró til aukinna rannsókna.

Formaður þakkaði fundarmönnum og sleit síðan fundi.

Síðan var haldið í rútu í höfuðstöðvar Ísfells hf  fyrirtækið skoðað og þegnar veitingar. Vill stjórn félagsins þakka höfðinglegar móttökur.

Að lokum var árleg árshátíð á Broadway þar sem félagsmenn fjölmenntu og treystu böndin.